Qarasaasiat angallatakkat 19-it tillinneqarput
Qarasaasiat angallattakkat 19-it Nuummi Grønlands Kontorforsyningimi unnuaq tillinneqarput. Paasissutissiisinnaasunik takunnissimasinnaasunillu Nuummi politiit ujaasipput.
februaarip 12-at 2010 10:42
Qarasaasiat tassaapput Acer, MSI aamma Asus. Nuummi najugallit qarasaasiamik angallattakkamik neqeroorfigitissimagunik, imaluunniit tillinniarnermut atatillugu paasissutissiisinnaagunik, politiinut saaffiginneqquneqarput. Nuummi politiit oqarasuaataat tassaavoq 32 14 48, 32 14 48.
