Qaqqaq innermik anitsiunnaalerunarpoq

Avatangiisit pillugit paasisimasaqarluartup, Omar Ragnarssonip, innermik anitsisartoq timmisartumik ullaap-tungaa qulaakkamiuk nalunaarpoq, innermik anitsisup qullaatsitaanik takussaasueruttoq.

Siullermik 2100 meterip missaani qutsissusilimmi timmivugut, qanilliartorusaarlutiguli. Takusinnaasavut naapertorlugit arsakoqanngilaq, taamaallaat aalaqalaarpoq, Omar Ragnarsson oqarpoq.

Qaqqarli innermik anitseqqilissanersoq soorunami oqaatigineqarsinnaanngilaq, paasisimasaqarluartulli arlallit misissuiartorlutik ualigaa Eyjafjallajökullimukaapput.

Aamma oqaluttuarisinnaavarput, naasorissaasut ippassaq isumaqatigiissuteqarfigineqarmata kommunit innermik anitsisumit eqqugaanerpaat sulisussarsiuunneqassasut, iluarsaassisoqarnissaa eqqarsaatigalugu.

Kommunini assigiinngitsuni suliffissaaleqisut ikiuunnissaat tassani eqqarsaatigineqarput.