Qaqortumi qineqqusaalerput

Qineqqusaarneq Qaqortumi Timersortarfimmi pissaaq. Kalaallisut unnugu nalunaaqutaq arfineq-pingasut qeqqaniit qulingiluat qaangerlugu tanneq pingasut tungaanut, qulit-qeqqaniillu aqqarngup tungaanut qallunaatut pissalluni.

Partiit tamarmik peqataassapput, sinerissamilu isiginnaartut tusarnaartullu Facebook aqqutigalugu aamma apeqquteqarsinnaajumaarput, soorlu avannarpasinnerusumi siusinnerusukkut qineqqusaartoqarmat taamaaliorsinnaasimasut.

Soqutiginnittut ugguuna apeqquteqarsinnaapput: facebook.com/qinersineq.

Apeqqutigineqartut ilaat qinersisartunik ataatsimiititsisoqarnerani, isiginnaariat apeqqutigisaasa saniatigut, qinigassanngortittunut apeqqutigineqassapput.

Inatsisartunut marsip ulluisa aqqaneq-aappaanni qinersinissatsinnut sapaatip-akunnerini pingasungajaat sioqqullugit partiit qanoq oqariartuuteqarnersut KNR-Radiokkut TV-kkulluunniit unnugu arfineq-pingasut qeqqaniit tassa malinnaavisinnaavatit.