Politiit: Qaqortumi illut sisamat aputip sisoorneranit eqqorneqarput
Qaqortumi ulluni arlalinni nittaalarpoq, anorlerlunilu. Qaqortumi Hastrupvejip nalaani qaqqami aputeqangaatsialerpoq, apullu ataasinngornermi ualikkut nalunaaqutaq tallimat qaangerlugu tanneq sisamat missaanni sisoorluni.
Julie Senderovitz Bendtsen, Sermersuup politiivineersoq, taama ilisimatitsivoq.
AAMMA ATUARUK Illu annaanneqarsinnaasimanngilaq
Illut sisamat aputip sisoornerani eqqorneqarput, soorlu aamma biilit marluk aputip sisoornerani eqqorneqartut. Biililli qujanartumik ilaasoqanngillat. Politiit taama ilisimatitsipput.
Illuni sisamani ilaqutariit eqqorneqartut politiinit attaveqarfigineqarsimasut nalunaarutigaat, ajoqusertoqarsimanngitsorlu nalunaarutigineqarluni.
Qaqortumi qatserisartut pisortaata tamaattoq aput sisooqqissinnaasoq miamersoqqussutigaa. Qaqortumi innuttaasut Hastrupvejimukarnaveersaarnissaat politiit kaammattuutigaat, politiit assersuiunnaareerpata aatsaat Hastrupvejimukartoqarsinnaalissalluni.
AAMMA ATUARUK Qaqortumi aput sisooqqippoq