Qaqortumi aput sisooqqippoq
Qaqortumi aput sisooqqimmat illut eqqorneqarput. Quit ajoquserput.
Allattoq Noah Mølgaard
Unnuaq nalunaaqutaq pingasut missaanni Qaqortumi aput sisooqqippoq tamatumuuna Ringvej eqqorneqarluni, aputillu sisoornerata illut marluk eqqorpai.
- Inunnik ajoqusertoqanngilaq illullu aappaani najugallit allamut unnuiartoreersimapput aputip sisoornissaa aarleqqutigineqarmat, Kujataani politiinit Erik Rasmussen nalunaarpoq.
Apeqqutaaginnarsimavoq qaqugu aput sisoorumaarnersoq. Illut aputip sisoorneranit eqqorneqartut ajorpasinngillat quillu ajoqusersimapput. Aputip ataani imeq aamma kuugussaasimavoq taamaasillunilu aput sisoortoq oqimaattorujussuussimalluni.