Qaqortumi eqqaavissuaq ikuallattoq
Qaqortumi eqqaavissuup ikuallalersimanera Kalaallit Nunaanni Politiinut arfininngornermi ualikkut nalunaaqutaq pingasunut qiteqqulluinnalersoq, 14.26, kalerrinneqarput.
Qatserisartut eqqaavissuarmiipput ikuallanneralu qamisaleruttorlugu.
Eqqaavissuup nammineq ikuallalersimanissaa Kalaallit Nunaanni Politiit ilimagaat.
Innuttaasut ikuallaffiusumukannginnissaat qatserisartut kaammattuutigaat, igalaallu matoqqatinneqarnissaat aamma kaammattuutigineqarluni.
Qaqortumi eqqaavissuup ikuallanneranut atatillugu paasissutissat politiit Facebookikkut qupperneranni malinnaavigineqarsinnaapput.