VIDEO Qaqortormiut isikkivigissumut nuunnissaminnut qilanaarput
Eqaarsaartalernissartik, assassortarfittaassartik inillu anginerit igaffeeqqallit qilanaarineqarput.
- Erininaraluaqaaq tappissuma inernissaa, Augusta Lund, Ajarsivasimmi najugalik KNR-imut oqarpoq.
Massakkut Ajarsivasimmut nuunnissamut utaqqisut 15-iupput.
- Qilanaarnartukuluuvoq utoqqarpassuasiit, uanga isimaga malillugu, sumiginnartutut misigisimagama. Ikiortariallit amerlaqigamik utaqqisit, Najârak Kristiansen, peqqinnissamut ikiorti KNR-imut oqarpoq.
Ajarsivasiip allissutissaa naammassippat najugaqartut 18-inik amerlanerulerlutik, 48-nngussapput, sulisullu 25-inik amerlineqarlutik 70-inngussapput.
- Sulisut tungaaninngaanniit qilanaartorujussuuvugut. Illup allinissaanut taavalu suleriuseq alla aamma aallartinnissaanut, suleqatitaassagullu assut qilanaaralugit.
- Eqaarsaartitsisinnaassaagut, assassortitsilluta, avataaninngaanniit Qaqortormiut utoqqaqataasut aamma aggerfigisinnaavaat, sammisassaqartitsilluta. Aaqqissuisinnaassaagut aamma allanik annerusumik utoqqarnut naleqqussakkanik, Arnannguaq Heilmann Christensen, Ajarsivasimmi pisortaq KNR-imut oqarpoq.
Najugaqartut ineeragissaalernissartik isikkivigissunik qilanaarisinnaavaat.
Utoqqaat illuata ilassutaa novembarimi naammassereertussaagaluarpoq, najugaqartulli najugaqalersussallu marsimut nuuffissartik utaqqisariaqarpaat.