Qaqortoq 3G-mut attaveqalerpoq
TELE-POST-ip 3G-mik taaneqartartup attaviata Kalaallit Nunaanni siammarnera maanna ingerlateqqippaa.
3G-mut attaveqaammik misileraaneq iluatsilluareersorlu Kalaallit Nunaanni illoqarfiit annersaasa sisamaanni, Qaqortumi, innuttaasut maanna aamma periarfissaqalerput, angalatillutik allagarsiaminnik atuarsinnaanermik, aamma mobilt bredbånd atorlugu internetikkut alakkarterisinnaanerminnik.
Illoqarfiit 3G-mut attaveqaateqalersut amerliartormata, sullitat Kalaallit Nunaanni angalatillutik annertunerujartortumik internetimut sukkanerusumik isersinnaaneq qujanartumik atorsinnaaleriartorpaat, Tele Greenland ilisimatitsivoq.
TELE-POST 3G-mik Nuummi, Kangerlussuarmi aamma Qaqortumi maannakkuugallartoq atuisinnaatitaavoq. Sisimiut, Ilulissat aamma Aasiaat ukioq-manna kingusinnerusukkut attavilerneqassapput.