Qanoruup aasakkut matoqqasarnera sivikillivoq
Aaqqissuisoqarfiuvugut anginngitsoq ukiorlu naallugu aallakaatitsinissatsinnut naammattunik atugassaqarata. Qanoruulli qaammatit pingajuat avillugu matoqqasarnera ’Aasaanerani’-lu sapaatit akunnerannut ataasiarlugu aallakaatinneqartarnera unitsillugit, aasaanerani matoqqanitta sapaatit akunnerinut tallimanut sivikillinissaa aalajangiupparput, sulisullu sulinngiffeqarnerisa nalaanni tamanna pissaaq piffissamilu tassani aallakaatitsinngivissalluta, nutaarsiassaqartitsinermut pisortaq Mikkel Bjarnø Lund oqarpoq.
KNR innuttaasunik kiffartuussisuusoq ajoraluartumik ukioq kaajallallugu nutaarsiassanik aallaakaatitsisinnaanngilaq aningaasanik sulisunillu killilimmik atugassaqartitaammat, taamaattumik aasaanerani sivikitsuinnarmik aallakaatitsisarniarluta qinersimavarput.
Pingaarnersiuisariaqarpugut, tassungalu atatillugu isumaqarluta Nunatsinnut tv-kut aallakaatitsinnginnitta sapinngisamik sivikinnerpaaffimmitinnissaa pisariaqartoq. Aaqqissuisoqarfiarannguuvugulli sulinngiffeqarnitsinnilu aallakaatitsisinnaanata, taamatullu aaqqiinitsinni tv-kut sapinngisamik sivikinnerpaamik nutaarsiassaqassanngilagut, nutaarsiassaqartitsivimmi pisortaq Mikkel Bjarnø Lund oqarpoq.
Qanoruumik isiginnaartartut tv-kut ullut tamaasa nutaarsiassarsisartut periarfissaqarput KNR-ip nutaarsiassaqartitsiviini allani nutaarsiassanik tusagaqarsinnaassallutik atuarsinnaallutilluunniit.
Taamaaliornikkulli Qanorooq sapaatit akunnerini tallimani matoqqagaluarpalluunniit KNR-imi nutaarsiassat unissanngillat. Radioaviisi knr.gl-ilu aasaanerani pisarneq malillugu nutaarsiassaqartitsissapput, taamaattumillu KNR-imit pitsaasunik nutaarsiassaqartitsisoqassaaq, Mikkel Bjarnø Lund oqaluttuarpoq.
Qanorooq ataasinngornermi aggustip arfernani aallakaatitseqqilissaaq.
