Qamuteralattartut aputip sisoorsinnaanera mianersoqqussutigigaat
Qamuteralannik ajutoorlutik ajunaartut ukioq manna marluupput.
Angut 27-nik ukiulik Nuup eqqaani Kangerluarsunnguami januaarip qaammataani ajunaarpoq. Aputip sisoornerani apummut matoorussaalluni toquvoq.
AAMMA ATUARUK Angut inuusuttoq qamuteralannik ajutoorluni ajunaartoq
AAMMA ATUARUK Aputip sisoorneratigut ajunaartoq
Angut 18-inik ukiulik Sisimiut eqqaanni februaarimi qamuteralatsilluni ajutoornermigut ajunaarpoq. Ajutoorneq Sisimiut aamma Kangerluarsuk Tulliup akornanni pivoq.
AAMMA ATUARUK Angut qamuteralatsilluni ajunaartoq
Tamanna pissutigalugu qamuteralaatillit peqatigiiffiat Qamutit aputip sisoorsinnaaneranik mianersoqqussuteqaqqippoq arlalinnillu eqqumaffigisassaqartoq oqaatigalugu:
- Kisimiillutik ingerlaanngisaannarit. Atortut aputip sisoornerani atugassat nassarnissaat eqqaamaguk. Qanoq ingerlaassanerlutik eqqarsaatigilluartaruk apullu sisuulissagaluarpat eqqugaaqqunak inissisimalluarnissat sianigiuk, peqatigiiffik Qamutit Facebookkikkut taama kajumissaaruteqarpoq.