Angut qamuteralatsilluni ajunaartoq
27-nik ukiulik qamuteralatsilluni ajunaarluni toqusoq, Nuummi politiit KNR-imut nalunaarutigaat.
Allattoq Jonas Fievé
Nutserisoq Ivik Kristiansen
Angut inuusuttoq qamuteralatsilluni Kangerluarsunnguami apummut sisoorussaalluni matoorussaasoq pillugu politiinut nalunaaqutaq 13:20 nalunaartoqarsimasoq, Nuup politiivini piareersimasut pisortaat Malik Olesen oqarpoq.
Angut minutsit 45-t missaanni matoorussaaqqareerluni nassaarineqarpoq, qulimiguulimmillu Dronning Ingridip napparsimmavissuanut angallanneqarluni. Tassani uummarsarneqaraluarpoq, iluatsinngitsumilli.
Ilaqutaasut kalerrinneqareerput.