Qallunaat pualavallaartut amerliartorput

Innuttaasut 15-it sinnerlugit ukiullit 600.000-inik amerlassusillit ima oqimaatsigilersimapput, allaat pualavallaarnermik nappaateqalersimallutik, taamaasillutik inersimasut pualavallaat amerlassusaat 1980-ikkunnut sanilliullugit marloriaammik amerlisimapput.
Allattoq Louise M. Kleemann
juulip 10-at 2011 14:41

Inersimasut pulavallaat 1987-imi 5,5 procentiupput, 2010-milu 13,4-mut qaffariarlutik. Aviisimi Politikenimi misissuinerup tamanna ersersippaa.

Ajornartorsiutip  ingatsikkiartornera Danmarkimi peqqinnissamut ministerip ernumanartutut nalilerpaa.

- Pualavallaarneq pujortartarnerup ulorianassusaanut nallersuunneqarsinnaanngulerpoq, Berthel Haarder Politikenimut oqarpoq.

- Pualavallaarnerup ajornartorsiutaanera annertusiartuinnarpoq, illuatungaanimi inuusuttut akornanni pujortartarneq atugaajunnaariartorpoq, taamatuttaarlu imigassap ajornartorsiutaanera appariartorluni, killormullu ingerlasutut oqaatigineqarsinnaasoq tassaavoq pualavallaarneq, Berthel Haarder oqarpoq.

Danmarkimi inuit ukiumut 1000-it missaat pualavallaarnertik pissutigalugu siusinaartumik soraarnerusutisiaqalersarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq