Aaja Chemnitz Larsen Nunarput kalaallillu qallunaat nunaanni ilisimanerulerlisigit
Folketingimut ilaasortaq Aaja Chemnitz Larsen ataatsimeersuarnermi peqataavoq.
Qallunaat nunaanni inuusut nunarput kalaallillu pillugit nalunngisaqarnerunissaat isummallu pigiliutiinnakkat pinaveersaartinneqassasut Aaja Chemnitz Larsen isumaqarpoq.
- Naatsumik oqaatigalugu Kalaallit Nunaat pillugu qallunaat ilisimasaqarnerulernissaat pisariaqarpoq. Assersuutigalugu meeqqat atuarfianni, aammalumi Danmarks Radiomi allallu iluaqutigalugit, Aaja Chemnitz Larsen taama oqarpoq.
Kalaallit kulturiat sammineqarnerussaaq
Kultureqarnermut ministeri Mette Bock Liberal Alliancemeersoq ataatsimeersuarnermi oqalugiartunut ilaavoq. Taassuma Danmarkimi kalaallit kulturiata sammineqarnerulernissaa anguniassagaa, Aaja Chemnitz Larsenip neriutigaa.
- Qallunaat naalakkersuisuisa kalaallit kulturiat ukkatarinerulerumaaraat neriuutigaara. Taannaalluarsinnaammat kivitsisuusinnaasoq, kallaallit aamma Danmarkimi inuusunut akuunerunissaannut tikkuussisuusinnaasoq, Aaja Chemnitz Larsen oqarpoq.