Kinamit qimagussorneqartut tamarmik coronavisuseqarnersut peqqissutsimut oqartussanit aallannginneranni angalanerannilu misissorneqarput.Assi: Mads Claus Rasmussen/Ritzau Scanpix

Qallunaat marluk Hubeimit tikittut aneqqusaajunnaartut

Qallunaat qulit Hubeimiit Danmarkimut unnuaq tikittut ajunngillat, marlulli aneqqusaanatik.

Qallunaat qulit Kinami nunap immikkoortuanit Hubeimit coronavirusimik tuniluuffiusumit Roskildep mittarfianut ataasinngornermi tikipput.

Tamarmik ajunngillat, marlullu angerlarsimaffimminnit aneqqusaajunnaarput, peqqinnissamut aqutsisoqarfik tusagassiutinut taama nalunaaruteqarpoq.

Qimagussorneqartut nappaammut nualluummik ersiuteqanngimata nappasimmavimmut unitsitaanngillat.

Tikittummi tamarmik coronaviruseqarnersut nakorsaanernit ataasiakkaarlugit misissoqqissaarneqarput.

AAMMA ATUARUK Danskit sisamat Wuhanimiit angerlaanneqarlutik timmisartuunneqalersut

 

- Marluk coronavirusimik tunillatsissimanermut ilimanaateqarmata angerlarsimaffimminnit ulluni 14-ini aneqqusaajunnaarallassasut isumaqatigiippugut, napparsimasut isumannaatsumik sullinneqarnissaannut aqutsisoqarfimmi pisortaq, Anne-Marie Vangsted, oqarpoq.

- Arfineq-pingasut coronavirusimik tunillatsissimanermut ilimanaateqanngitsut misissoqqissaarneranni paasivarput. Arlaannik ersiuteqalissagaluarunik qanoq iliornissaminnut nassuiaanneqaqqissaarput.

Taakkualu tamarmik peqqinnissamut oqartussanit malittareqqiivigineqarumaartut, Anne-Marie Vangstedip aamma erseqqissaatigaa.

Qallunaaq alla Kinamit aamma qimagussorneqarpoq, taannali coronaviruseqarnermut ersiuteqarmat Belgiami napparsimmaviit ilaannut unitsitaavoq.

Danmarkimi oqartussat inuit Kinamit qimagussortitaat katillugit 15-iupput.

Kinamit qimagussorneqartut tamarmik coronavisuseqarnersut peqqissutsimut oqartussanit aallannginneranni angalanerannilu misissorneqarput.

Ingerlaqqinnissamut napparsimannginnissaq piumasaqaataasimavoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat