Danskit sisamat Wuhanimiit angerlaanneqarlutik timmisartuunneqalersut
Danskit sisamat Kinami nunap immikkoortuaniit Hubeimiit tallimanngornermi angerlartussat Kinami misissortereerput, coronaviruseqarnermillu ersiuteqaratik.
- Kissarneqarneq, panertumik quersorneq ilaatigullu anernikilliorneq puallunnermullu takussutissaqarneq nappaammik tunillatsissimanerup ersiutigai.
- Inuit tunillatsinnerminnik ajornerulersut maannamut utoqqaanerullutillu peqqissutsikkut sanngiinnerusuupput.
- Nappaammut virusimut suli akiuussutissaqanngilaq. Ilisimatuut qassiiusut nappaammut akiuussutissamik ineriartortitsileruttorput. Ilisimatuullu akiuussutissaasinnaasup siulliup qaammatit pingasut missaat qaangiuppata misileraatigineqarsinnaalernissaa neriuutigaat.
- Kinami nappaalasut saniatigut Tysklandimi, Australiami, Frankrigimi, Japanimi, Malaysiami, Nepalimi, Canadami, Singaporemi, Korea Kujallermi, Taiwanimi, USA-mi, Saudi-Arabiami, Thailandimi, Cambodjami, Vietnamimi, Finlandimi Tibetimilu tunillatsissimasut siumorneqarput.
- Nunat qassiiusut nappaatip tuniluunnerata annikinnerulersinnaa pissutigalugu angalasut immikkut ittumik nakkutigilerpaat.
- Kinamiut illoqarfiat, Wuhan, nunallu immikkoortuani Hubei-imi illoqarfiit allat killilersorlugit matoqqatinneqarput. Innuttaasut 50 millioninit amerlanerusut killilersuinermit eqqugaaqqapput.
Danmarkip peqqissutsimut ministeria, Magnus Heunicke, tallimanngornermi taama ilisimatitsivoq.
Danskit taakkua Roskildep mittarfianut pilersaarutit malillugit tallimanngornermi tikissapput.
AAMMA ATUARUK Frankrig timmisartumik europamiunik aallertussamik Kinamukartitsisoq
Angutit, arnat meeqqallu danskit Kinamiit angerlaanneqarlutik timmisartuunneqartussat katillugit 15-iupput.
Angerlartussat allat aqqaniliusut ulluni tulliuttuni angerlaanneqarlutik timmisartuunneqassapput.
- Danskit angerlartussat napparsimanngillat. Napparsimalinnginniassammatali angerlaanneqassapput. Isumannaatsuunissartik eqqarsaatigalugu angerlassapput, Magnus Heunicke oqarpoq.
