Qalerallit Uummannami oqallisaasut
Aalisartut kattuffiisalu, aqutsiviup suliffissuaqarnerullu akornanni oqaloqatigiinnissamik paaseqatigiinnermillu pilersitsinissaq siunertarineqarpoq. Oqallisigineqartullu ilaat tassaapput Uummannap pigisaani aalisagaqassutsip allanngoriartornera, sinerissap qanittuani aalisarnerup aqunneqarnera MCS-llu isumaanik paasisaqarnerunissaq.
Peqataasut ilaasa isumaat tassaapput, alisagaqassuseq aalaakkaavoq aalisakkallu ikiliartornerannut takussutissaqaranim, pisassiissutigineqartartut annertusineqartariaqarput illullu qerititsivittut atorneqartut allineqarlutik, pisassiissutigineqartartut naleqquttumik agguaanneqartarnissaat pillugu umiatsiaararsorlutik aalisartartut suleqataasariaqarput, umiatsiaararsorlutik aalisartartut immikkut pisassinneqartariaqanngillat, matumani aalisartut inuusukaat aalisarnermut akuuniarnerannut ajornarnerulersitsisinnaammat, piujuartitsineq ingasaassilluni paasineqarsorineqartariaqanngilaq, matumani pinngortitap nammineerluni piujuartitsineq isumagisarmagu, pitsaanerusumik tunisassiassanik passussineq angallatini anginerusuni qularnaanneruvoq, tunisassiorfik aasaq naallugu ammatinneqartassaaq, tunisassiorfik aasami inuttalersoruminaappoq, uummannap kangerluani qalerallit suffinerisa nalaani qalerallit suallit suannillu sinneqartut aalisartunit naammattoorneqakkajuttarput.
Ualeq workshopimik naggaserneqarpoq, matumani peqataasut eqimattanut agguataarlugit aalisagaqassutsip ineriartornera, ukiuni marlunni- tallimani tulliuttuni aalisarneq, piujuartitsineq, pitsaassuseq aaamma inuttalersuineq pillugit isummersoqatigiisinneqarput periusissanillu pitsanngoriartitsisinnaasunik saqqummiillutik.
