Qalasersuaq oqartussaaffigineqalersinnaavoq

Kalaallit Nunaata nunavittaata toqqavia qalasersuarmut atanersoq ilisimatuut siornali misissuleraat, aatsitassaqarnermut pisortaqarfimmi pisortap Hans Christian Schønwandtip oqaatigaa, nunatta toqqavia 200 sømilinit avasinnerusumiippat oqartussaaffiginissaanut periarfissaqarpoq.

Nunaviup toqqavigisinnasaasa paasissutissartaat katersorneqarput, soqutiginaatillillu pingasuupput, tassaallutik nunap isuata kujataaniittoq Labradorimi, Tunup avannaarsuani imartaq, Svalbardip Jan Mayinillu akornaniittoq kiisalu avannaarsuani qalasersuarmut qanittoq. Misissuinerillu paasinarsisikkumaarpaat maanna killeqarfiusut suli avasinnerusumiissanersut, aatsitassaqarnermi pisortaq

Hans Christian Schønwandt radioaviisimut nassuiaavoq.

- Tassa imaappoq 200 sømilimiit 350 sømilip tungaanut, oqartussaaffiliinissarlu allineqassappat  nunaviup toqqavia immami oqartussaaffeqarfigerusutat attanersut paasiniarneqaqqaartariaqarpoq, nalilerlugulu tunngavissaqarnersoq killeqarfiup avasillarnissaa.

Kalaallit Nunaata killeqarfia avasinnerusumut inissinneqassappat nunap iluaniittoq uulia uuliaqassappat oqartussaaffigilerneqassaaq, taamaqataanillu uumasut. Oqartussaanermulli tunngatinneqassappat killeqarfik annertusineqarluni, taava imartani pineqartuni angallanneq, avatangiisip paarineqarneranut, ilisimatusarnermullu tunngasut nunatta aalajangiiffigisinnaalissavai. 

Nunatsinniit Danmarkimiit Savalimmiuniillu misissuisut aamma russit, canadamiut norgemiullu aamma nunatta eqqaa misissorpaat.

Hans Christian Schønwandt aamma oqarpoq oqartussaaffimmik aalajangiisoqqassappat, aatsaat ikinngerpaamik ukiut 15-nit qaangiuppata aalajangiisoqarsinnaasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat