Qaasuitsup kujallermi isumaqatigiinniarnerit pileruttorput
Qaasuiatsup kujasissortaani isumaqatigiiniarnerit aallarteruttorput. Taamaammat Inuit Ataqatigiinneersoq Ane Hansen KNR-ip ullaakkut aallakaatitsinerani peqataanisamut naaggaarsimavoq.
Tassalu Qaasuitsup kujasissortaani kikkut siuttuussanerannik unammileruttorput, tassami Inuit Ataqatigiit Demokraatillu kommunimut qinigaalluaraluartut, kikkut qinigaanersut D'hondtip periaasia malillugu naatsorsorneqartarmat, Demokraatit ilaasortaatitaqalinngortsoorput, IA-llu Siumumit amerlanerusunik qinersiseqarnini iluaqutiginngitsoorlugu.
Tassalu partiit taakkua tamarmik arfineq marlunnik qinigaatitaqalerput.
AAMMA ATUARUK Qaasuitsup kujallermi qinersineq naligiiffiusoq
Taamaammat Atassummeersoq Naja Petersen apeqqutaalerpoq. Isumaqatigiinniarnerit partiimi qinigaanerpaasumit
aallarnerneqakkajupput, Naja Petersenili Siumumik ullumi nalunaaqutaq qulinut ataatsimeeqateqassaaq. Siumumi Jess Svane taasiseqarnerpaalluni siuttuuvoq.
Naja Petersen Ane Hansen-imut ataatsimut ataatsimiigiassaaq.
Taama tulleriinneri Ane Hansenip borgmesteriunissaminik qatangiinnaalerneranut ersiutanersoq nalunarpoq, Qaasuitsullu kujasissortaa pissanganartorsiorfiugallarpoq, qanorlu inerneqarumaarnerat utaqqilartariqarparput.
AAMMA ATUARUK Kommuninni qinersineq ima inerneqarpoq
