Qaasuitsup Kommuniani kommunimut qinigassanngortittut 112-iupput
Ataasut 19-inik qinigassanngortitsivoq, taakkununnga ilaalluni Knud Kristiansen Inatsisartunut qinigaanngitsoortoq. Demokraatit pingasunik qinigassanngortitaqarput, ilaatigut Ane Lone Bagger, maannakkorpiaq kommunalbestyrelsimut ilaasortaasoq. Isak Hammond aamma IA-p apriilip aappaani qinersinissamut qinigassanngortitaasa 28-t ilagivaat.
Partii Inuit kommunimi arfineq pingasunik qinigassanngortitaqarpoq Kattuseqatigiit Partiiallu tallimanik qinigassanngortitaqarluni. Ilisarnarnerpaartarigunarpaat Ilulissani borgmesteriusimasoq avatangiisinullu naalakkersuusimasoq Anthon Frederiksen, aamma Inatsisartunut qinigaaqqinngitsoortoq.
Kiisalu Siumut kommunalbestyrelsimut 47-nik qinigassanngortitaqarpoq, taamalu amerlatigusunik qinigassanngortitsinermigut partii kommuni tamakkerlugu qinigassanngortitassarsiorsimarpasippoq. Kiisalu attaviitsutut qinigassanngortittut marluupput, tassalu Britta Mortensen aamma Leo Qaavigaq Duneq.
Qinigassanngortittut allattorsimaffii allaaserisap ataani takukkit
