Qaasuitsup Kommunia: Qaleralinnik pisassiinermi nalimmassaasoqartariaqarpoq

- Taamatut pisoqarpat, aalisartut tunitsiviusinnaasunut allanut nuunnerisigut, tunitsiviit allat ilungersunartorsiortinneqalissapput. Tamanna pissutigalugu Qaasuitsup Kommuniata kajumissaarutigaa pineqartumi nalimmassaasoqassasoq, Qaasuitsup Kommuniani borgmesteri Jess Svane, Piniarnermut aalisarnermullu ataatsimiititaliap siulittaasua Edvardt I. Kristiansen, Aalisarnermut, Piniarnermut Nunalerinermullu Naalakkersuisumut Ane Hansenimut ammasumik allakkaminni ilaatigut allapput.

Avannaata ingerlatsiviani kvartalikkaartumik ukioq manna pisassiisoqartalerpoq, maannamullu misilittakkat ataatsimut isigalugit ajunngitsutut nalilerneqaraluartut, naleqqussaasoqarnissaa pisariaqartutut aamma nalilerneqarpoq.

Taamaattumik ingerlatsivimmi qassusersorluni aalisarnermi malittarisassat kommunip assigiissarniarpai, Uummannap ingerlatsiviani, allani pisassiissutinit sukkanerusumik nunguttarnerat pinngitsoortinniarneqarluni.

Qaleralinnik pisassiissutit Ane Hansenip nalimmassartariaq    araluarai, Qaasuitsup Kommunia isumaqarpoq, aasaanerani silap unerisimanerulluni aalisarfikkuminarnerusarmat, pisassiissutit annertusarneqarnissaat kissaatigaat.

Pisassat 4.kvartalimiit 3.kvartalimut nuunneqarnissat, kommunip matumani kissatigaa, qilalukkanik qaqortanik qernertanillu ukiukkut piniartoqartarnera aallunneqarsinnaaniassammat.