Qaasuitsup Kommunia 53 millioninik taarsigassarsivoq

Akileraarutinut A-nut akiliinerit amigarmata Qaasuitsup Kommunia akileraarutitigut akiligassaqarpoq, Sermitsiaq nittartakkamini taama allaaserinnippoq.

- Kommunit Qaasuitsup kommuniata ataani inissisimasut kommunimi sulisitsisutut akileraarutit A-t arbejdsmarkedsbidragillu ilaatigut akilertarsimanngilaat, Claus Steensgaard Jensen, Akileraartarnermut Aqutsisoqarfimmi pisortaq oqarpoq.

Sermitsiap paasisai naapertorlugit Upernavik aamma Qaanaaq akiliisinnaassuseqarnikkut ajornartorsiuteqarnertik pissutigalugu sulisumi akileraarutaat kommunip karsianiitiinnartariaqarsimavaat.

Akileraarutit A-t akilerneqarsimannginnerannut atatillugu 17 - 18 millionit koruunit nalinginut aaqqiisoqartariaqarnera Qaasuitsup Kommuniata akueraa, sinneruttulli 65 millionit koruunit qularalugit. Taamaattoq kommuni akiligassinneqarpoq:

- 83 millionit koruuninik akiligassinneqarneq kommunit kattussuunneqarnissaannut oqilisaataanngilaq, Qaasuitsup Kommuniani kommunaldirektøriugallartoq, Henrik Rafn, Sermitsiamut oqarpoq.

Taarsigassarsiineq Naalakkersuisut Inatsisartullu Aningaasaqarnermut Ataatsimiititaliaat akueraat, kommunilu allanit aqunneqalernavianngilaq.