Nuummi mittarfissualiulernerup aallarnerneqartussanngornera Sisorarfinni ualeru nal. 16:30-imiit malunnartinneqassaaq.

Qaartitsineq siulleq: Mittarfissualiulerneq nuannaarutigineqarlunilu uggorineqartoq

Inuit nuannallutillu pissangapput – ilaali aamma ernumallutillu ugguarput. Nuummi mittarfissualiornissamut qaartitsineq siulleq ullumi pissaaq.

Kalaallit Airportsimeersut Munckimeersullu Nuummi mittarfissualiulernermi ualeru nal. 16.30 siullerpaamik qaartitsisuussapput.

Taamaalilluni mittarfissualiulerneq aallarnerneqartussanngorpoq, tamannalu Nuuk atortulersuuteqarnikkut allanngorneranik kinguneqaannarani nunarput marluinnarnik mittarfissuaqarunnaarluni ukiut sisamat qaangiuppata nutaanik pingasunik mittarfissuaqalissaaq.

- Qilanaartorujussuuvunga pissangalaarlungalu nuannaarlunga kiisami ullumikkut suliaq siulleq aallartinneqarlerpoq, tassa qaartitserisoqarluni, Kommuneqarfik Sermersuumi borgmesteri Charlotte Ludvigsen oqarpoq. Nangillunilu:

Pingasunngorpat qaartitsisoqassasoq

Kalaallit Airport Nuummi nunanut allanut mittarfissap sanaartornissaanut qaartiterineq siulleq aallartilerpaa.

 

Nuummi Ilulissanilu mittarfiit sanaartorneqarnerat ukioq 2023-ip naalernerani naammassineqassasut naatsorsuutigineqarpoq.

 

Qaqortumi mittarfissaq 2023-mi naammassineqarsimasussatut pilersaarutigineqarpoq, aappaagulu suliariumannittussarsiuunneqarnissaa naatsorsuutigineqarpoq.

 

Nuummi mittarfissap sanaartorneqarata aallartinneqarnera, Nuummi sisoranermi majuartaatip Skilftenip eqqaani pingasunngorpat oktoberip ulluisa 16-ianni ualikkut tallimanut qiteqquppat malunnartinneqassaaq siullermeerluni qaartitsinikkut.

- Meeraagallaramali ukiorpassuarni ukiut 20-ni eqqartorneqalerpoq tallineqarnissaa taavalu massakkut kiisami qaartiterineq siulleq pilerpoq.

Ernumasut: Nipiliorneq

Tamannali kikkunnit tamanit nuannaarutigineqanngilaq. Nuummi allanilumi mittarfissualiornissat eqqartorneqaqqaartalermatali oqallisigineqartorujussuusarput. Nuummi Ilulissanilu mittarfissuassat ammarpata Kangerlussuaq inuerutaasassammat inuit ilai soorunami qiimavallaanngillat. 

AAMMA ATUARUK Nuummi Mittarfisssaq: Qaartiterinerit amerlanerusinnaasut akulikinnerullutillu

Nuummiullumi mittarfissualiorfissap inissisimaffianut akerliulluinnartunik ilaqarput, taakkulu isumaqarput mittarfissualiornermi minnerunngitsumillu mittarfissuassaq ammareerpat nipiliornerit annertuut pisarumaartut.

Christian Jerimiassen peqatigiiffik Angisunnguaq Quassussuup eqqaani nutaamik mittarfissualiornissamut akerliusoq sinnerlugu oqaaseqartartuuvoq. Peqatigiiffiup Angisunnguup kissaatigaa, Nuummi nutaamik mittarfissualiortoqarani Nuup kujataani qeqertami Angisunnguami nutaamik - tassa illoqarfiup Nuup avataani - mittarfissualiortoqassasoq.

- Peqatigiiffik Angisunnguaq Qujanaminngaanniit assut uggorivarput aalajangertoqarmat taamatut, Chrisitian Jerimiassen oqarpoq. Nangillunilu:

- Periarfissaqarpugut timeoutissallugu misissorlualaassallugu ilumut Angisunnguamut nuunnissaa imminut akilersinnaanersoq, naak oqartaraluarput inuit: "Akisuallaaqaaq." Kisianni akinik piviusunik takunikuunngilagut tamanna oqaannarluni ajornaqaaq. Isumaqarpunga piffissalilaarluni misissoqqissaarneqartariaqartoq.

Tunngavilersuineq: Angalanissat akikinnerusut

Nuummi mittarfiup allilerneqarnissaanut akerliusut suliniummut aningaasarpassuit Nuummi innuttaasunut pingaarnermik iluaqutissartaqarnerat nunattalu sinnerani pingaartumik nunaqarfiit maannalu mittarfissuit isigineqanngitsoorlutik ajornerusumik inissisimalernissaat ilaatigut tunngavilersuutigaat.

Tamatuma saniatigut amerlasuut mittarfissuassaq nuannaarutigaat. Taakku mittarfissualiortoqarnissaa illersorpaat, angalanissamullu piffissap sivikinnerulernissaa angalanemullu akit apparnissaat ilaatigut tunngavilersuutigaat. Mittarfinnut pilersaarutit tamarmik nunatsinnut tamarmut iluaqutissartaqarput, pissutigalugu angalanermut aningaasartuuterpassuarnik sipaaruteqartoqassammat, takornarianullu amerlanerusunut pilerinnitsitsisoqassalluni kiisalu nunanut allanut niuernermut periarfissagissaarnerusoqalernissaa tunngavilersuutigineqarpoq.

AAMMA ATUARUK Munck Gruppen skal anlægge landingsbanerne i Nuuk og Ilulissat

Amerlanerit isumaqatigiissutigisinnaasaannik aaqqiissuteqarnissamut piffissaqarluaraluarpoq. 

Nuummi mittarfiup allilerneqarnissaa 1995-imi siullermik oqallisigineqalerpoq, taamani Siumumit oqaaseqartartup nunatsinni mittarfiit arfineq-marluk maanna sineriatsinniittut suliarineqarnerannut atatillugu misissuisoqartariaqaraluartoq oqaatigaa.

Ukiut 16-it qaangiuttut piviusunngorneruvoq, pissutigalugu angallannermut ataatsimiititaliarsuup nunatsinni attaveqatigiinnermik misissuisinneqalerput. 2011-milu inernera piareerluni: Nuummi atlantikoq qulaallugu timmisartuussisarnermut mittarfiliortoqarli.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat