Qaanaap ungasinngisaani orpippassuaqarfikoq
Canadap avannaarsuani Umimmaat nunaanni (Ellesmere Island) nunami eqqissisimatitami orpippassuaqarfikoq ukiunik 2 milliuuninik pisoqaassusilik nassaarineqarpoq. Nassaarfik Qaanaamut ungasinngilaq. Taama Videnskab.dk allaaserinnippoq.
Orpiit paniinarnikut sermip killinganiittut nassaarineqarmata ilisimatusartoq Joel Barker USAmi Ohio State Universitymi atorfilik nassaat tupinnartut misissornissaannik iminneqarpoq.
- Orpiit pilutaat allaanngivipput ukiakkut Ohio-mi orpippassuarni pisuttuarluni siumugassaasartut, taama oqarpoq Joel Barker University of Alaskap nittartagaanut.
- Orpiit assigiinngitsut ikittuinnaasimapput. Nassaarineqartut tassaapput sallilikkiassat, pingit, aavalariakuluut orpiillu meqqutaasaqqortuut. Ilimanarpoq tassaasimasut orpiit tammariartortut avatangiisiniiginnarniarlutik annanniaraluartut, taama Joel Barker nassaani ukiunik 2 millioninik pisoqaassusillit pillugit oqarpoq.