Qaanaami seqinniat: Nuannaajallannaqaaq!

Qaanaami seqineq ullumikkut nueqqittussaavoq. Avanersuup Atuarfiani atuartut pisarneq malillugu seqinniarput.

Nunatsinni illoqarfiit avannarlersaanni Qaanaami innuttaasut ullut 100-jut sinnerlugit seqineq takunngilaat. Ullumikkulli kaperlak qaangiuppoq. Seqinermi ukioq kingulleq oktobarip 24-ani tarrikkami qaammatit sisamanngulillartullu ullumikkut aatsaat nueqqittussaavoq.

- Erinanaqaaq, qilanaarnaqaaq, nuannaajallannaqaaq, Avanersuup Atuarfiani ilinniartitsisoq Rasmine Jeremiassen Normann oqarpoq.

Pisarnerlu malillugu Avanersuup Atuarfiani atuartut ullumi seqinniarput.

AAMMA ATUARUK Ilulissat: Seqineq - aammaarluni - piffissaq sioqqullugu nuivoq

Atuartut qaqqamukaapput, oqalugiartoqarpoq erinarsoqatigiittoqarlunilu. Meeqqat sisorrapput kakaosuullutillu boorlutuupput.

- Persuarsiutigisarparput, sivisunera taanna kaperlattumeeriarluta seqernup nuinissaa qilanaaringaareerlugu persuarsiorluta qaqqaliakaasarpugut, meeqqat aamma malugilertaramikku qaamaneq qilanaaralugu.

- Taava atuartut seqiniaqqanik, nasaasannguanik, passimmiussanik talermiussanillu sanasarput.

Qaammaqaaq!

Qaanaarli qulisimammat seqineq takuneqanngitsoorpoq.

- Qulisimagatta. Qulisimagaluaraangalluunniit qaqqaliakaasarpugut 17-iat eqqorluarniarsaralutigu.

Nunatta annertunerpaartaani kaperlaqartarlunilu aasakkut seqineq kaaviinnartarpoq.

AAMMA ATUARUK Kaperlak seqernullu kaaviinnalerfia

"Qaammaqaaq, qaamanertuseqaaq!", tamanna aqqusinermi tusaallugu takornartaanngitsoq, ilinniartitsisoq Rasmine Jeremiassen Normann oqarpoq.

- Malunnarsisarpoq meeqqaniit utoqqarnut qiimanerulerneri, qilanaalerneri. Piniakkat amerlanerit tikioralernissai. Qimmaallattaqaagut.

Atuartut seqinniat saniatigut aanaakkut, aanaqqiikkut, meeqqeriviit innuttaasullu allat seqinniarnermi peqataapput.

Seqernup nueqqiffiani kommunep aaqqissugaanik innutaasut ataatsimuualaartinneqartarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat