Putin: Coronavirusip Ruslandimi tuniluuunnera suli annertunerpaaffimminiinngilaq
Inuit 972-it coronavirusumik Ruslandimi toqquteqarsimapput, sulilu amerliartussangatinneqarlutik.
Coronavirusip tuniluutilertunnginnissaa pillugu killilersuinerit sivitsorneqartut, Putinip nunap immikkoortuisa siuttuinik ataatsimeeqateqareernermi kingorna nalunaarutigaa.
Allattoq Ritzau
apriilip 29-at 2020 09:44
Nutserisoq Mads Lynge
Inuit katillugit 100.000-ingajaat coronavirusimik Ruslandimi tunillanneqarsimapput, ullullu kingulliit marluk ingerlaneranni 5841-nik amerlillutik.
Coronavirusilli Ruslandimi tuniluuunnera suli annertunerpaaffimminiinngilaq. Ruslandip præsidentia Vladimir Putin taama oqarpoq.
Inuit 972-it coronavirusumik Ruslandimi toqquteqarsimapput, akunnerit 24-t kingulliit ingerlaneranni 108-t toqusimallutik.
Coronavirusip tuniluutilertunnginnissaa pillugu killilersuinerit sivitsorneqartut, Putinip nunap immikkoortuisa siuttuinik ataatsimeeqateqareernermi kingorna nalunaarutigaa.
Ruslandimili suliffeqarfiit assigisaallu maajip qiteqqunneranit ammariartuaarneqarnissaat pilersaarutigineqartoq Putinip aamma oqaatigaa.
