Putin: Rusland covid-19-imut akiuussutissamik nassaarpoq

Ruslandimi præsidentip akiuussutissioqattaangajalernissani neriuutigaa.
Akiuussutissaq Ruslandimi illoqarfiit pingaarnersaanni Moskva-mi Gamaleya-instituttetsimi ineriartortinneqarsimavoq, qaammatillu marluunngitsut iluanni inunnut misileraataasimalluni. Assi © : Anton Vaganov/Reuters/Ritzau Scanpix
Allattoq Ritzau
aggustip 11-at 2020 08:12
Nutserisoq Andreas Wille

Covid-19-imut akiuussutissaq siulleq ruslandimi sanaaq russit peqqinnissaqarfianit akuerineqarpoq.

Reuters naapertorlugu Ruslandip præsidentiata tamanna oqaatigaa.

Taassuma pania akiuussutissamik tunineqareersimavoq.

Russit qanittukkut akiuussutissamik nioqqutissiulersinnaanerat Vladimir Putinip neriuutigaa.

AAMMA ATUARUK WHO-p qullersaa: Coronamut akiuussutissamik iluatsittumik nassaareriaannaasoqanngikkunarpoq

Taassuma akiuussutissatut taasaa Ruslandimi illoqarfiit pingaarnersaanni Moskva-mi Gamaleya-instituttetsimi ineriartortinneqarsimavoq, qaammatillu marluunngitsut iluanni inunnut misileraataasimalluni.

Nunarsuaq tamakkerlugu ilisimatusartorpassuit corona virusimut akiuussutissamik nassaarniarsaralutik ineriartortitsipput, maannammut nunarsuaq tamakkerlugu tunillatsissimasut 20 millionit sinnerpaat.

Tassalu maannakkut Rusland akiuussutissamik nassaarnerarpoq, taamaattoq Ruslandip ilisimatusarnerit inuiaqatigiillu isumannaassusaat pinnagu nunatut akimaniarnera annilaanganartinneqartoq, Reuters allaaserisaqarpoq.

/ritzau/