Pujoq angallannermik unitsitsivoq
Air Greenlandip timmisartuutai amerlanerit ataasinngornerup unnukkuanili Kangerlussuarmiilerput.
Angallaffiunerpaami Norsaq maanna ulikkaaqqammat, Air Greenlandip ilaasussat tamaasa apuunniarlugit, timmisartuutileqatigiiffimmit danskinit pigineqartumit, timmisartumik attartorpoq. Københavnimut GL 1784-imut ilaasussat ippassaq ingerlasussaagaluit, aqagumut ilaasussanngorlugit maanna inissitsiterneqalerput.
Atlantikoq qulaallugu ullumikkut timmisartuussinissaq (GL782) maannamuugallartoq Kitaani nalunaaqutaq naapertorlugu.
nal. 19.00-mut kinguartinneqarpoq. Air Greenlandilu neriorsuivoq sila allaaqqinneruleriarpat inissat timmisartullu tamarmik atorlugit ilaasussat angallanneqalerumaartut.
Ilaasussat kinguaattoornernit eqqorneqartut qaqugu aallassanerlutik timmisartuutileqatigiiffiup nittartagaatigut malinnaasinnaapput, ilaasussallu bilitsisinerminnut atatillugu mobilimik normuanik tunniussisimasut smsimik nassinneqassapput.