Puerto Ricomi ulussaarsuaqarnerani inuit 900.000-it innaallagiaaruttoortut

Oqartussat naapertorlugit inuit 900.000-it innaallagiaqanngillat, inuillu 50.000-ingajaat imissaqarnatik.

Caribiami oqartussat qeqertaaqqanut ippassaq unnukkumit ulussaarsuarfiusunut ikiueqqaarniarsaripput.

Caribiami qeqertami Barbudami illut tamangajammik aserorsimasut, qeqertamilu najugaqartuni 1400-juusuni 60 procentii angerlarsimaffeeerussimasut qeqertani naalagaaffeqatigiinni Antiguami Barbudamilu ministeriuneq, Gaston Browne, pingasunngormat oqarpoq.

Ulussaarsuup Irmap 3D-nngorlugu takusassiarineqarnera

- Illut aseruvissimanngippata qaliaarussimapput, Gaston Browne oqarpoq.

- Pisoq alianartorujussuuvoq, ministeriuneq amma oqarpoq, ilanngullugulu oqarluni, sanaqqinneqarnera qaamatinik arlalinnik sivisussuseqassanngippat ukiunik arlaqartunik sivisussuseqarsinnaasoq.

Ministeriuneq naapertorlugu, ilaqutariit illuminnit ulussaarsuarnerani aserortumit qimaaniartillutik marlunnik ukiulik ajunaarpoq.

Franskit qeqertaataanni St. Martinimi inuit ikinnerpaamik arfinillit ajunaartutut nalunaarutigineqarput.

- Ukua inaarutaasumik kisitsisaanngilluinnarput. Qeqertaq tamaat suli ujaarlerfiginngilarput, qeqertarpaani Guadeloupemi atorfilittaq, Eric Maire oqarpoq.

/ritzau/AP