P+S-Werften akiliisinnaajunnaarpoq
Piffissami sivitsortuumi P+S-Werften nalorninartorsiorfioreersoq akiliisinnaajunnaarneq ullumi nalunaarutigineqaropq. Tysklandip avannaani umiarsualiorfik taanna piffissami sivitsortumi aningaasaliorpoq nunallu immikkoortuani Mechlenburg- Vorpommern-imi oqartussat oqaloqatigineqartarsimagaluarput umiarsuliorfik ingerlaannarsinnaaqqullugu tapiissuteqarsinnaanersut.
Umiarsualiorfiup ajornartorsiutigaa aningaasanik tigoriaannaateqannginneq naak umiarsualiorfik 1 milliard europ naliganut umiarsuarnik sanaassaqaraluarluni.
Tyskit umiarsualiorfianni aqutsisut sapaatip akunnera kingulleq misilikkaluarpaat annaateriarlugu. Tassani misilinneqaraluarpoq umiarsuaatillit umiarsuarnik sanatitsisut akiligassatik siusinnerusukukt akilersinnaaneraat, tassanili qallunaat umiarsuaatileqatigiiffiat Scanlines peqataajumanngilaq taamalu annaasseriarneq iluatsinngitsoorluni.
Royal Arctic Linep umiarsuaatissai P+S-Werften sananeqartut sillimmaserneqarsimapput taamaammat akiliisinnaajunnaartoqaraluartoq aningaasatigut tamanna kalaallit umiarsuaatileqarfiannut ernumanartoqanngilaq, maannali utaqqisaaginnalerpoq akiliisinnaajunnaarnerup kinguneranik umiarsuit sananeqartut qanoq pissanersut.
