Præsidentimut qinersisoqareernerani atuariartorneq takisooq
- Maannakkut pisuttuarfigisanni inuit nipaannerupput, Camilla Mølgaard Frederiksen Californiami ullaakkut atuariartornermini oqarpoq.
Inuit isumaannik paasiniaanerit naapertorlugit Hillary Clintonip præsidentimut qinigaanissaa ilimanarnerugaluarpoq.
Santa Barbaramilu, Californiamiittumi, innuttaasut Clintonip ajugaanissaanut suut patsisaasinnaassanersut pillugit oqallittartorujussuusaraluarput.
Qinersinerulli kingorna inuit nipaannerulersimapput.
- Ullaaq busserama oqallittoqanngilaq. Ajorsarsimanerup kinguneranik nipaalleqqasut malunnarpoq, Camilla Mølgaard Frederiksen oqarpoq.
Hillary Clintonip ajugaanissaa Camilla Mølgaard Frederiksenip aamma neriuutigigaluarpaa.
Qinersinerlu pillugu aallakaatitsinermut malinnaavoq, Clintonilli ajorsarnissaata erseriartornerani innarpoq.
Iteramilu kina ajugaasimanersoq erserpoq.
- Haajja... Ajoqaaq, Camilla Mølgaard Frederiksen anersaaruluppoq, nangillunilu nassuiaalluni, præsidentimut qinersineq atuarfimmi aamma sammineqassasoq. Qinersinerulli inernera pissutaalluni atuariartorneq Camilla Mølgaard Frederiksenimut artornarnerulaaraluartoq...
- Atuarfimmut maannakkut apuutilerpunga.
...apuuppoq.
