Prins Joachimip meeraasa prinsetut prinsessetullu taagutaat atorunnaarlugit grevetut komtessetullu taaguuteqalernissaannik Dronning Margrethep aalajangernera Joachimip aliasuutigaa. Assi: RitzauScanpix

Prins Joachim: Meeqqakka 25-liigunik prinsetut prinsessetullu taaguutaat atorunnaartussaagaluarput

Prins Joachim misigisimavoq meeqqani pillagaasut sumilu inissisimanissartik ilisimanngikkaat.

Prins Joachimip meeraasaa taaguutaasa atorunnaarsinneqarnissaat kunngikkormiunit siuartinneqartoq.

Prins Joachimip meerai sisamat prinsetut prinsessittullu taaguutaasa atorunnaarsinneqarnissaanut aalajangernissaq kunngikkormiunit siuartinneqarpoq.

Prins Joachim aviisimi B.T-mi apersorneqarluni taama oqarpoq.

- Pilersaarutigineqartut pillugit maajip ulluisa tallimaanni saqqummiivigineqarpunga.

Tassani meeqqakka 25-liiigunik kunngikkormiutut taaguutaat atorunnaassassut prins Joachim taama oqarpoq. Prins Joachimip pania prinsesse Athena jannuaarimi aqqanilinnik ukioqalertussaavoq,

- Taaguutaasalu atorunnaarsinneqarnissaat pisortatigoortumik nalunaarutigineqarnissaat ulluni tallimanik sioqqullugu paasitinneqarlunga, Joachim taama oqarpoq.

Prinsetut prinsessetullu taaguutaasa atorunnaarsinneqarnissaat sooq siuartinneqarsimanersoq Prins Joachimip ilisimanagu, aviiisimut B.T-mut oqarpoq. Eqqarsarfissaqarnissaminullu piffissaqarumalluni qinnutigisimagaluarlugu taanna aamma oqarpoq.

Prins Joachimip meerai sisamat prinsitut prinsessetullu taaguutaasa ukiortaamit atorunnaarsinneqarnissaat pillugu kunngikkormiut pingasunngornermi pisortatigoortumik saqqummiuppaat.

Prinsetut prinsessitullu taaguuteqarunnaarlutik Grev aamma Grevinde Monpezatimik taaguuteqalissapput.

Taakkua kingornussisussaatitaanerisa tulleriiaarneqarnerat allannguuteqanngilaq

AAMMA ATUARUK Prins Joachimip meeraasa prinsessetut prinsitullu taaguutitik annaagaat

Prins Joachimip meerai pineqartut tassaapput, Nicolai 23-nik ukiulik, Felix 20-nik ukiulik taakkua grevinde Alexandalu meeraraat, aamma Henrik 13-nik ukiulik aamma Athena qulinik ukiulik, taakkua Prinsesse Marielu meeraraat.

 Prins Joachim aviiisimi B.T. -mi apersorneqarluni oqarpoq aalajangerneq meeraasaa aliasuutigigaat.

prins Joachimip oqarnera naapertorlugu meeqqani sumi inississimassallutik naluaat pillagaasutullu taakkua misigisimasut

Aviisimi Ekstra Bladetimi allaaserineqartoq naapertorlugu pisoq pillugu Prins Joachim attortissimasorujusuuvoq



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl