Præsidenti Donald Trump coronavirusimik tunillanneqarsimasoq

USA-p præsidentia Donald Trump taassumalu nulia Melania coronavirusimik tunillatsissimasut paasineqarpoq, marluullutillu aneqqusaanngillat.

Trump Twitterikkut taama tallimanngornermi ullaakkut allappoq.

Trumpip qanimut suleqatigalugu siunnersortaasa ilaat coronavirusimik tuannillatsissimasoq tallimanngornerup unnuaani paasineqarpoq. Taamaammat præsidenti 74-nik maannakkut ukioqartoq missisorneqarmat tunillatsissimasoq paasineqarpoq.

Tamanna USA-mi præsidentimut novembarip ulluisa pingajuanni qinersinissamut qaammaat ataasiinnanngupajaartorlu pivoq.

AAMMA ATUARUK Melania Trump: Præsidenti coronamut akiuiniarnermi sapinngisani tamaat iliuuseqarniarpoq

Præsidenti taassumalu nulia tunillatsissimasut paasineqareersorlu, Trumpip nakorsaata tamanna nalunaarummini uppernarsarpaa.

- Præsidenti taassumalu nulia maannakkut ajunngillat præsidentillu illorsuani Det Hvide Husimigiinnarnissartik pilersaarutigaat ajorunnaarnissamik tungaannut, Trumpip nakorsaa taama ilaatigut allappoq.

- Præsidentip suliani unitsinnagit ajorunnaarnissami tungaanut ingerlatiinnassagai naatsorsuutigivara.

Tunillanneqarsimanermut ersiuteqarnersut præsidentip nakorsaata nalunaarutiginngilaa.