Politiit toqusoqarneranut atatillugu pinerluttoqarsimaneranik misissuisut

Nuussuarmi inissiarsuit ilaasa tunuanni angut toqungasoq arfininngornermi siumorneqarpoq. Politiit piffissami tusaasaqarsimasut takunnissimasulluunniit attaveqarnissaannik kaammattuuteqarfigaat.

Allattoq Birgitte Kjeldsen

decembarip 20-at 2025 17:34

Nutserisoq Brian Jensen

Nuummi toqungasoq pillugu Kalaallit Nunaanni politiit nalunaaqutaq 11:42 kalerrinneqarput.

Nuup ilaani Nuussuarmi Manguaqqap nalaani inissiarsuit aappaata tunuani angut 21-nik ukiulik toqungasoq siumorneqarsimavoq.

-politiit sumiiffimmiipput, toqutsisoqarsimaneranillu pasilliuteqarlutik misissuisoqaleruttorpoq.

-suliamik misissuisoqarnera pissutaalluni paasissutissiinerusinnaanngikkallarpugut, politiit tusagassiuutitigut nalunaarummi allapput.

Politiit piffissami nalunaaqutaq ullaassakkut tallimaniit 11:42 tungaanut paasiniagaannut attuumassutilimmik ilisimannikkaanni, Kalaallit Nunaanni politiit attavigeqqupput. Politiit oqarasuaammut 70 14 48-mut, tassa oqarasuaat 70 14 48-mut attavigineqaqqupput.

Ilaqutaasut ilisimatinneqareertut, politiit ilanngullugu paasissutissiissutigaat.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.