Politiit sungiusartinneqartut
Aviisi Bornholms Tidende naapertorlugu sungiusarneq atserneqarsimavoq MAREX, naalisagaallunilu Maritime Exercise-miit, tassa politiit imaani annaassiniartarnerannut tunngalluni. Illoqarfiup Rønne'p umiarsualivia qitiutinneqarpoq, tassani qulimiguullit politiillu qernertunik atisalersorsimasut takussaaqalutik.
- Nuup Politiivini pigaartut pisortaat Gedion Quist KNR-imut oqaluttuarpoq sungiusarnermut nunatsinniit peqataatitaqarneq misiliutitut ingerlanneqartoq.
- Arlaannut atorsinnaanerlugu takorsukkatsigu peqataatitaqarpugut, taanna oqarpoq.
MAREX-imi sungiusarnerit ilaatigut umiarsuit avataaniittut ikiffiginissaannut sungiusarneruvoq, qaqqallu Bornholmimiittut ujaasiffiginissat qallorfiginissaallu atorluarneqartut, Bornholms Tidende allappoq.
Hjemmeværnimi Eskadrillemeersup timmisartup anginngitsup sungiusarneq unnugu naggasissavaa, sungiusarnerlu tamarmi sapaatip akunneranik ataatsimik sivisussuseqassaaq.