Politiit: Facebookikkut imigassamik tuniniaaneq inerteqqutaavoq
Imigassamik tuniniaanissamik akuersissummik peqanngikkaanni, inuit nittartakkatsigut attaveqaaqatigiittarfiisigut imigassanik tuniniaaneq inerteqqutaasoq, politiit oqaatigaat.
Allattoq Paarnaq Hansen
oktobarip 19-at 2015 11:50
Facebookkikkut tuniniaavinni inuit tuniniaasut takussaasarpoq. Tuniniaaviilli assigiingitsut imigassanik tuniniaavittut maanna aamma atortalersimapput.
- inuit imigassamik Facebookikkut tuniniaaniartartut, Politiit kingullertigut paasivaat. Tamannali tungaviusumik inerteqqutaangilaq, Nuummi politiit tusagassiuutinuk nalunaarummini allapput.
Aamma atuaruk Politiit: Meeqqasi unnuami kisimiitillugit aneertinnasigit
Politiillu nassuiarpaat, imigassamik tuniniaanissamut akuersissuteqanngikkaani, tuniniaaneq inatsisitigut unioqqutitsinerussasoq. Imigassamik tuniniaanissamut uppernarsaateqanngittumit pisineq aamma inerteqqutaasoq erseqqissarpaat. Pisisimagaanni tuniniaagaasimagaannilu akiligassinneqarnermik arsaagaanermillu kinguneqarsinnaavoq.
