Kujataani nunap ikuallaqqissinnaanera mianersoqqussutigineqartoq
Kujataani kingullermik siallerneranik qaammatit marlunngoreerput. Taamaammallu kujataani politiit ernumapput.
- Nuna tamatumalu naasui ima panertigaat, allaat ikuallalernissaat qaneqaluni, kujataani politeeqarfimmi pisortaq Bent Ole Kleist tusagassiutinut allappoq.
Aamma atuaruk Kujataani ikuallattoq qamikkiartorpoq
Nanortallip kujataani, nunaqarfiit Tasiusap Aappilatullu akornganni Itillersuarmi, ikuallannersuaqarpoq. Naak qatserisartut aqqanillit nunaqarfinnilu najugaqartut qamitsiniaagaluartut, ikuallanneq siuarualertoqisoq, Bent Ole Kleist oqaluttuarpoq.
- Tassalu qatserisartut qanoq iliuuseqarneq ajuleqqasut nunarujussuaq ikuallappoq, Bent Ole Kleist allappoq.
Ikuallattoqalinnginniassammat politiit kujataamiunut, takornarianut allanullu kaammattuipput, asimi innermik pisariaqartinnagu atuinaveersaaqqullugit.
