Kujataani ikuallattoq qamikkiartorpoq
Kujataani nunaqarfiit Tasiusap Aappilattullu akornanniittumi Itillersuarmi nuna ikuallattoq annikilliartortoq, Kommune Kujallermi upalungaarsimanissamut pisortap Poul-Erik Thomsenip oqaatigaa.
Allattoq Elisa Isaksen
aggustip 16-at 2015 15:00
Itillersuarmi ikuallattoq marlunnut avissimavoq, nunallu ikuallattup avannamut ingerlasup kuuk tikikkuniuk nammineerluni qaminnissaa naatsorsuutigineqarluni.
Aamma atuaruk Nanortallip kujataani nuna suli ikuallattoq
Nuna ikuallattoq kujalleq aamma annikilliartorpoq, tamatumanili anori apeqqutaassasoq upalungaarsimanissamut pisortap oqaatigaa.
Nuna ikuallattoq kingusinnerpaamik aqagu takuniarneqaqqissaaq.
