Nanortallip kujataani nuna suli ikuallattoq
Kommune Kujallermi Upalungaarsimanissamut pisortap ullumi oqaatigaa, Itillersuarmi ikuallattoq suli nakkutigineqarsinnaalinngitsoq sulilu siaruaakkiartorluni.
Ikuallattup annertussusia upalungaarsimanissamut pisortap ima oqaatigaa.
Aamma atuaruk Nanortallip kujataani nuna ikuallattoq
Nunap panerpallaarnera anorilu pissutigalugit qatserisartut aqqanillit qatsereqataasut innerup siaruatsaaliornissaa ajornartorsiutigaat.
- Taamaammat ikuallanneq orpikkaniit orpikkanut sukkasoorujussuarmik siaruarterpoq. Qamisaagaluarneq nukipparujussuarnillu atuineq iluaqutaanngitsoorpoq, upalungaarsimanissamut pisortaq Poul-Erik Thomsen oqarpoq.
Taassuma ilanngullugu oqaatigaa, qatserinermi atortussaminnik allanik Nanortalimmiit ikuallaffiusumukaassisoqassasoq.