Politiit ullormut nalunaarutaat: Politiit arfinngornerup unnuaani savimmik sioorasaarisoqarneranut ilisimannittussarsiortut
Politiit angut arnamut Aasianni Sømandshjemmip eqqaani savimmik arfininngornerup unnuaani sioorasaaruteqartoq ujaarileruttorpaat.
Pisoq arfininngornerup unnuaani ataatsip missaani pivoq. Kalaallit Nunaanni Politiit pigaartuisa pisortaata, Preben Kleistip politiit nalunaaqutaq 01.08 kalerrinneqartut oqaatigaa.
- Arlaat arlaannik ilisimasaqaruni takunnissimaguniluunniit politiinut sianernissaminut tikilluaqqusaavoq, Preben Kleist oqarpoq.
Angut politiinit ujaarineqartoq 175-imit 178 centimeterimut angissuseqartutut aamma 19-it 25-llu akornanni ukioqartutut nassuiaatigineqarpoq.
Angutip saassussinermi nalaani kavaajaq qiviunik oqorsaasigaq tungujortoq nasartalik kiisalu kamiit qarliillu meqqii ilisimaneqanngitsut atorpai.
Sumiiffimmit arpalluni qimaasoq
Arnap sioorasaarneqartup pinerluuteqartoq arnamut unitsitsisimasoq ajappaa, sumiiffimmiillu iluatsittumik qimaasimalluni, pigaartut pisortaat oqarpoq.
Politiinut iluaqutaasinnaasunik paasissutissaateqaruit Kalaallit Nunaanni Politiinut oqarasuaammut 70 14 48-mut sianersinnaavutit.
