Politiit aallaasitoqqatik atuinnassavaat
Danmarkimi politiit pillugit Folketingimi amerlanerussuteqartut novemberimi isumaqatigiissutaanni, politiit sulinerminni illersorsinnaanerunissaat, Kalaallit Nunaani politiit ilanngullugit, siunniunneqaraluarpoq.
Tamannali nunatsinni politiit aallaasit maannakkut atortagaannik tunnganavianngilaq, nunatsinni politiit peqatigiiffiannit, Grønlands Politiforeningimit, nutaanik aallaasitaarnissaq kissaataagaluartoq. Taama oqaluttuarpoq Kalaallit Nunaani politiit peqatigiiffiani siulitaasoq Finn Jeppesen.
Kalaallit Nunaanni politiitut sulinitsinni aallaasit atortakkagut nutaanngitsupilussuupput.
- Taakkua taaguuteqarput US Carbine taakkualu taarserneqarnissaannut itigartinneqarpugut.
Aallaasit atorsinnaajunnaarpata assinginik taarseneqartarumaarput
Kalaallit Nunaanni politiit neqeroorfigineqarput aallaasit maannakkut ukiorpassuarni atugaat Danmarkimi politiit aallaasit atorunnaagaannik taarserneqarsinnaanerannik, taakkualu nakersorujussuusut , Rigspolitiet neriorsuivoq, Finn Jeppesen oqarpoq.
- Maannakkut pigisagut atortariaqarpagut, aallaasinillu taamaattunik Danmarkimi amerlasuunik peqartoq nalunaarfigineqarpugut. Maani pigisagut atorsinnaajunnaarpata assinginik taarserneqartarumaarput. Tamannali toqqissisimanartinngilarput.
- Taamaakkaluartoq aallaasit Danmarkimi toqqortarineqartut atorsinnaalluartut neriorsorneqarpugut. Taamaattumik maannakkut pigisagut taarserneqartarumaarput, atorsinnaasunik aallaaseqaaannarsinnaajumalluta, Finn Jeppesen Kalaallit Nunaanni politiit peqatigiiffianni Grønlands Politiforeningemi siullitaasoq oqarpoq.