Hongkongimi akerliussutsimik takutitsisut ilisimatusarfiup silataani tigusarineqartut

Hong Kongimi naalakkersuisunut akerliusut ullumi eqqissiviilliortitsimmata Hong Kongimi politiinit sakkortuumik akineqarput, akerliussutsiminnimmi takutitsisut gumminik imassalianik eqqarfigineqarput, gassimillu qulliliornartumik aamma eqqorneqarlutik.

Akerliussutsiminnik takutitsisut ilisimatusarfiit ilaanni imminnut mattussimapput, politiiniillu unguneqarlutik.

Assi © : Ye Aung Thu/AFP/Ritzau Scanpix

Akerliussutsimik takutitsisoq politiit imermik gassimillu qulliliornartumik seqqartaanerannit qimaasoq. Assi: Ye Aung Thu/AFP/Ritzau Scanpix

Ilinniartut ilaat ilisimatusarfimmit qimaaniaraluarput, gassimilli qulliliornartumit unitsinneqarlutik.

Akerliussutsiminnik takutitsisut ilaat molotovcocktailsinik taaneqartartunik milloorput, sakkunillu allanik aamma atuillutik. Eqqissiviilliornerit ingasatsikkaluttuinnarnissaat ernummatigineqarpoq.

Assi © : Anthony Wallace/AFP/Ritzau Scanpix

Hongkongimi ilisimatusarfimmi akerliussutsimik takutitsisorpassuit ungoorinermit qimaaniaraluarlutit tigusarineqarput. Assi: Anthony Wallace/AFP/Ritzau Scanpix

Politiit pisariaqassappat akerliussutsimik takutitsisut eqqarfigineqarsinnaasut, politiit mianersoqqussutigaat.

Assi © : Anthony Wallace/AFP/Ritzau Scanpix

Akerliussutimik takutitsisut ilisimatusarfiup isaariaanut majuartarfimmi ikuallatsitamut ikuallattussanik milorujussisut. Assi: Anthony Wallace/AFP/Ritzau Scanpix