Polaroil ISO-mik uppernarsaaserneqaqqippoq
Polaroil ingerlariaqqissimavoq. Maanna Polaroil uppernarsaammik ISO 14001:2004-mik tunineqarpoq, taannalu avatangiisit pillugit aqutsilluarnissamut tunngassuteqartuuvoq.
Tamatumani kingumut tunniussisuuvoq Bureau Veritasip Danmarkimi immikkoortortaa, ISO-standardinik tunniussisartut Danmarkimi anginersaat.
- Suleqatikka sinnerlugit nuannaarlunga tulluusimaarlungalu nalunaarutigisinnaavara ullumikkut Polaroil ISO 14001:2004-mik uppernarsaaserneqarmat. Uppernarsaatip taassuma nalunaarpaa Polaroil ikummatissanik imerpalasunik tigusinermi, toqqortarinninnermi tunniussinermilu avatangiisit pillugit aqutsilluarluni isumaginnissinnaasoq, Polaroilimi pisortaagallartoq Tage Lindegaard oqarpoq.
- Polaroil suli pitsaanerulersikkumallugu, suliffeqarfissuarniillu Nunatta avataa-neersunik kiffartuussisinnaassuseqalersikkumallugu Polaroilimi aqutsisut aalajangersimavugut kiffartuusseriaatsitta – aamma avatangiisit mianerinissaat eqqarsaatigalugu – pitsaanerulersinnissaa tamaviaarutiginiarlutigu. ISO 9001:2008-mik uppernarsaammik peqareerpugut, tassalu uppernarsaammik ISO 14001:2004-mik maanna aapperparput, Polaroilimi pisortaq, maannakkulli KNI A/S-imi pisortaagallartoq Peter Grønvold Samuelsen tamanna pillugu oqarpoq:
- ISO-mik uppernarsaaserneqarneq suliffeqarfimmut imaannaanngitsuuvoq, tassami nunat tama-laat akornanni suliffeqarferujussuit tamakkua pingaartittarpaat, suliffeqarfik suleqatigiumasartik taamatut uppernarsaaserneqarsimappat suleqatiserineqarnissaq periarfissagissaarnerusarmat, maannalu tassa suliffeqarfimmi avatangiisillu pillugit Polaroil nunat tamalaat akornanni sungiusimaneqartut aallaavigalugit aqutsilluarsinnaassuseqartutut uppernarsaaserneqaqqippoq.” Peter Grønvold Samuelsen tulluusimaartoq oqarpoq.
- ISO-mik uppernarsaaserneqarneq aqutsilluarnissamillu avatangiisillu pillugit allagartalerneqarneq kisimik apeqqutaanngillat. Maannali uagut Polaroilimi tassa uppernarsisittussanngorparput, ilumut taamatut uppernarsaaserneqarnermi piumasaqaatigineqartut ulluinnarni sulinitsinni pitsan-ngortikkiaartuarsinnaanerlutigit, tamatumanilu suleriaatsitsinnik uppernarsaasersortuarnermi pitsanngoriartitsiartuaarnermilu suleqatitta tamarmik peqataanissaat neriuutigaara, pisortaagallartoq Tage Lindegaard naggasiivoq.
Novembarimi 2013-imi Polaroil aamma misilitsippoq 9001:2008 uppernarsaatigeriikkamini, angusillunilu up-pernarsaallu taanna tigummiinnarsinnaallugu. Tassalu maanna aamma ISO 14001:2004 pigilerlugu.