Piujuaannartitsinissaq Avalammi oqallisigileraat
Pinngortitaq pillugu nunarsuaq tamakkerlugu suliniaqatigiiffimmit Kalaallit Nunaat pillugu suliaqartoq Mette Frost peqatassaaq, taassumalu suleqatigiiffiup Kalaallit Nunaanni Issittumilu suliai oqaluttuarissavai. Kalaallit Nunaanni piiaaviliornissamik uuliasiornissamillu qinnuteqaateqartoqarneranut atatillugu innuttaasunik akuutitsisoqassatillugu WWF-p ICC suleqatigisarpaa.
Peqatigisaanik Kalaallit Nunaanni ineriartortitsinerup avatangiisinut innarliinngitsumik aalisarnerlu Kalaallit Nunaanni inuussutissarsiutit pingaarnersaat sianigilluinnarlugu ingerlanneqarnissaa pingaartinneqarpoq.
Aatsitassarsiornermik suliniutinut tunngatillugu tusarniaanerit ingerlanneqartarneri ataatsimiisitsinermi oqallisigineqassapput. Kingullertigut London Miningimut tunngatillugu suliamik ingerlatsineq isornartorsiorneqarsimavoq, tamatumanimi sunniuteqaqataanissamut periarfissaq annikitsuinnaasimavoq, ilaatigut paasissutissarpassuit inuinnarnit misissorneqartariaqarsimanerat pissutigalugu. Aammattaaq ineriartornerup Kalaallit Nunaannut iluaqutissanngortinneqarnissaa Kalaallit Nunaanni lupisuussutinik uumassusilinnik piujuaannartitsinissaq tunngavigalugu qanoq atorluaasoqarsinnaanersoq oqallisigineqassapput.
