Pituffimmi qinngussuaq ’soqannginnersanik taartunik’ nassaarsiutaasoq
Videnskab.dk taama allaaserisaqarpoq.
Qinngussuaq taanna qinngussuarnut ataqatigiittunut, Event Horizon Teleskopimut ilaavoq, tassannga avataarsuani tupinnartut, soqannginnersanik taartunik taagorneqartartut, misissorneqassapput.
AAMMA ATUARUK Pituffimmi qinngussualiineq ulloriarsiornermik soqutiginnilersitsissasoq
Qinngussuup Pituffimmiittup itersaq qernertoq Qilaap Sillianiittoqallalu galaksimi M87-imiittoq misissortussaavai. Taaneqartoq kingulleq ataatsimik, 6 milliardit missaannik seqineqartumik, taartunik soqannginnersaqarnissaa naatsorsuutigineqarpoq.
Qinngussuarli utaqqiisaagallartumik, ilisimatuut Sermersuarmi inissisimaffimmik piukkunnartumik, isugutakinnerusumik silaannalimmik erseqqinnerusunillu assiliiffiusinnaasumiknassaarnissaannut, Pituffimmiissasoq, Københavnimi Niels Bohr Instituttimi lektori Marianne Vestergaard nassuiaavoq.
AAMMA ATUARUK Stephen Hawking toquvoq
Sermersuarmi immap nalaaniit 3 kilometerit missaannik qatsinnerusumiittoqarsinnaavoq. Radiop qinngornerisa silaannakkoornerisa naannerunerujartornerat ilutigalugu siorsukinnerujartortarpoq.
Pituffimmi qinngussuarmik assilisat aamma Hawaii-imi Chilemilu qinngussuarnit assilisat atorlugit soqannginnersat taartut annerusumik paasissutissarsivigineqassapput.
AAMMA ATUARUK Nutarterisarsimanerit USA-p ukiumut nalunaarusiaani atuarneqarsinnaapput