Stephen Hawking toquvoq
Tuluk astrofysikeri professorilu Stephen Hawking toqukkut qimaguppoq.
Allattoq Ritzau
marsip 14-at 2018 06:59
Ilaqutaasut oqaaseqartartuat tusagassiorfinnut nunani tamalaaniittunut pingasunngornermi taama nalunaaruteqarpoq.
76-inik ukiulik Stephen Hawking nappaammik ALS-eqarpoq, tassa qitikkut qaratsakkullu sianiutit nappaammik sunnerneqartillugit timip aalasinnaassusaa eqqorneqartarpoq.
Stephen Hawkingilu 21-nik ukioqarluni taamatut nappaateqalerami nakorsat ilimaginngisaannit sivisunerusumik uumavoq.
Tusaamasaq Hawking nuannarineqarluarpoq, tunisaalluakkanik atuakkiortarsimavoq meeqqallu atuagaannik atuakkiortarsimalluni ilaatigut panni Lucy silaannarsuarmeeqatigalugu atuakkiortarsimalluni.
Inuttaa pillugu aamma filmiliortoqarsimavoq taanna taaguuteqarpoq "The Theory of Everything".
/ritzau/
