PITUFFIK Pituffimmi kiffartuussinissamik isumaqatigiissut pilerngukkaat

Pituffimmi aaqqiagiinngissuteqartoqarnerani qallunaat suliffeqarfinnik piginneqatigiiffii pingasut, Amerikamiut sakkutuuinut timmisartortartunut ataatsimoorlutik illuatungiliuttooreerlutik, Pituffimmi isumaqatigiissutinut milliardikkaanik nalilinnik pilerngullutik imminnut sorsuutilerput.

 

Nutaarsiassaqartitsivik Finans ullumi tallimanngornermi taama allappoq.

Suliffeqarfinnik piginneqatigiiffiit pingasut taakkua USA-mi eqqartuussivinni imminnut suliassanngortitsisaqattaarsimanerat, pappiaqqanit eqqartuussivinneersunit paasinarsivoq.

Kingullertut sanaartugassanik suliassinneqartartup Per Aarsleffip, aaqqiagiinngissutip naammassineqarnissaata tungaanut Greenland Contractorsip isumaqatigiissumminik sivitsuigallarnissamik tunineqarnissaa unitsinniarsimagaluarpaa.

Suliffeqarfiit imminnut sorsuunnerat Per Aarsleffip unnerluutigineqarneratigut sakkortunerulersinneqarpoq.

AAMMA ATUARUK Aarsleff suliassanngortitseqqiisoqarneranit eqqugaaratarsinnaasoq

AAMMA ATUARUK Aarsleff: Kiffartuussinissamik isumaqatigiissut uagutsinnut tunniunneqartariaqarpoq

Aarsleffip Amerikamiut sanaartugassanik ilusilersuisarfissuannik KBR-imik atuinera Nunatta, USA-p Danmarkillu illersornissamut isumaqatigiissutaanut naapertuutinnginnerarlugu, Copenhagen Arcticip naammagittaalliuutigaa.

Søren Friis Hansenip CBS-imi inatsisilerinermi professoriusup suliassaq Pituffimmut tunngasoq malinnaaffigeqqissaareerlugu paatsiveqannginnerarpaa.

- Amerikamiut suliffeqarfiutaata Exelis Servicesip naapertuilluanngitsumik isumaqatigiissusiorfigineqarnerata kingornagut apeqqutit nutaat arlallit pilersiinnarneqarput, tamakkulu Amerikami eqqartuussivinnut suliassanngortinneqaqattaarlutik, Søren Friis Hansen oqarpoq.

AAMMA ATUARUK Greenland Contractorsit Pituffimmut nutaamik isumaqatigiissuteqarput



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl