Greenland Contractorsit Pituffimmut nutaamik isumaqatigiissuteqarput
Danskit kalaallillu suliffeqarfiutaat Greenland Contractorsit Pituffimmut isumaqatigiissutaat ukiumik ataatsimik sivitsorneqartoq, nunanut allanut tunngasunut ministeri oqarsimasoq Finans.dk allappoq.
Allattoq Ritzau
aggustip 18-at 2015 15:32
Nutserisoq Erna Lynge
Tamatuma kingunerissavaa danskit-kalaallillu suliffeqarfiutaata isumaqatigiissut pigiinnarallassagaa, tamannalu Nunatta aningaasaqarneranut assut pingaaruteqarpoq.
- Nutaamik suliariumannittussarsiuussisoqarnissaanik kinguneqarumaartoq neriuutigaarput, taamaalilluni kingumut kalaallit suliffeqarfiutaat isumaqatigiissuteqarfigineqarluni, Kristian Jensen oqarpoq.