Bo Lidegaard: Pisuussuteqartutut misiginissamut kanngusunnissamullu pissutissaqanngilaq
Taanna isumaqarpoq Danmarkip Nunattalu atassuteqarneranni Danmarkip anneruniarneranik, Danmarkip amerikamiut Nunatsinni sakkutooqarfeqarnerannik iluaquteqarneranik Danmarkillu nunasiaateqarsimanerminut tunngatillugu ileqqorissaarnikkut akiligassaqarneranik imaqarpallaartoq.
Taamaassorinnerinnerilli arlaannaalluunniit eqqortortaqanngitsut, Lidegaard isumaqarpoq.
AAMMA ATUARUK Ataatsimiititaliap Qujaukitsup nassuiataa tusaatissatut tiguaa
Qanga pisimasut oqallisigissallugit pingaaruteqaraluartoq, Nunatta Danmarkillu ullumikkut atassuteqarnerannut tunngatillugu unnerluussissutigissallugu Lidegaardip atorsinnaanginnerarpaa:
- Oqaluttuarisaaneq pissusissamisut politikkimut tunngassuteqarpoq, aamma qanoq oqaluarineqarnissaa isumaqatigiissutigisariaqanngilarput.
Ajornannginaaralunili unnerluussiniarnermut atoraanni ingerlariaqqittoqarsinnaanngilaq.
AAMMA ATUARUK Danmarkip anneruniarnera aserorsaataalluinnarpoq
Nunanut allanut naalakkersuisup Vittus Qujaukitsup aviisimi Politikenimi sapaatit-akunnerata siuliani apersorneqarnermini Danmark nunatsinnut tunngatillugu anneruniarnerarlugu isornartorsiorpaa.
Taamatullu isornartorsiuinera naalakkersuisut siulittaasuata Kim Kielsenip aallaqqaammut isumaqatiginnginnerariarlugu sapaatit-akunnerata ingerlanerani ilalerpaa.
