Pisiniarfeqarfissuarmi Fieldsimi eqqaassisoqarmat inuk ataaseq tigusarineqarpoq

Københavnimi politiini chefpolitiinspektøriusoq Søren Thomassen tusagassiortunut sapaammi Danmarkimi unnunnerani sassarami taama oqarpoq.

Taassuma toqutaasut qassiunerannik oqaseqanngilaq, toqusulli ajoqusertullu arlaliunerarlugit.

Politeerpassuit 

Søren Thomassen danmarkip nalunaaqutaa malilugu unnukkut qulingiluanut tanneq qulingiluanut tusagassiortunut sassarami oqaluttuarpoq,  politiit amerlasuut sapaammi unnukkut pisianiarfeqarfissuarmi Field´simiitttut. 

- Amerlasuujulluta Field´simiipppugut.  Amerlasuujulluta Københavnemiippugut.  Politeeqarfinnit sanilerisatsinnit ikiorneqarpugut, Rigspolitiet aamma sutigut tamatigut suleqatigaarput,  Søren Thomassen oqarpoq.

Politiit piniarfeqarfissuarmi Field´simi, Købehavnimi Amagerimiittumi, aallaasertortoqarnerannik Danmarkimi arfinermut qiteqqutoq kalerrinneqarput.

Pasisaq ataaseq kingorna tigusarineqarpoq. Taanna 22-inik ukioqartuusoq politiit ilisimatitsipput.

Chefpolitiinspektørip oqarnera naapertorlugu pisiniarfeqarfissuarmi arlalinni eqqartoqarpoq.

Danskit politiivisa tigusaasup saniatigut aamma allanik pinerluttuusinnaasoqannginnissa qulakkeerniarlugu paasiniaanertik annertusivaat.

Ilumut taamaattoqanngitsoq qularnaalliserlugu danskit politivi Danmarkimi annertunerusumik iliuuseqqarput.

- Pisut makkua tamakkerlugit ilisimasarfiginerlugit qulakkeerluinnassavarput, Søren Thomassen tusagassiortunut sassarami taama oqarpoq. taassuma politiit Danmrkimi sumiiffinni arlalinni nakkutiginninnerarpai.

- Iliuusigut annertoqaat. - Københavnimiinnaanngilaq. Sjælland tamakkerlugu iliuuseqarpugut, taanana oqarpoq.