Qummoroortaatit Pisiffimmit uterteqquneqarput
Qummoroortaatit 'Masterpakke'-mik taaguutillit, Pisiffimmi Sparimilu pisiarineqarsimasut ulorianarmata taakku uterteqquneqarput.
Fyrværkeripakken "Mesterpakke"
Allattoq Apollo Jeremiassen
decembarip 31-at 2014 12:46
Qummoroortaatit aalajangersimaqqissaartut 'Masterpakke'-mik taagukkat, qorsummik qaamasumik qaavisigut poorneqarsimasut, Pisiffimmi Sparimilu tuniniarneqarlutik pisiarineqarsimasut, atorneqassanngitsut, Pisiffiup tuniniaanermut pisortaanit, Palle Kockimit sakkortuumik inassutigineqarpoq.
- Qummoroortaatit ataatsimoortut ilaat ajoquteqarput taamaattumik ulorianarlutik, tusagassiutinut nalunaarummi Palle Kock allappoq imalu nangilluni.
- 'Master pakke'-nik pisisimasut tamaasa qinnuvigissavagut taakku Pisiffimmut imaluunniit Sparimut uterteqqullugit. Aamma taamaattunik pisisimasunik ilisimasaqaraanni, taakku oqarfiginissaat pingaaruteqarpoq, Pisiffiup tuniniaanermut pisortaa, Palle Kock taama tusagassiutinut nalunaarummini allappoq.
